البارحه غير عن كـل الليالـي جوهـا غيـر
واسرارها غير حتى ما علمها بيـر الاسـرار
ياهي لها لون هادي غير عـادي ذوق ومثيـر
غيمة عطر من مداد الشوق تمطر ديم مـدرار
ليله لها طعـم ثانـي مختلـف مافيـه تكديـر
أشبه بالاحلام بعيون الطفولـه تعبـر اقطـار
ما اكثر سخاها على قل الدقايق ربـع الخيـر
ماطولت واورقت فينا صخور الياس بازهـار
نستني جروح وقتي ما اشغلت راسي بتفكيـر
عن كاهلي حطت ثقال الحمول وصار ما صار
ذكرى جميلـه ولكـن الدهرجـا فيـه تغييـر
ولا لنا الا نسلـم لاحكـم تصريـف الاقـدار
اليوم عادت لي احزاني وحالي ماهـو بخيـر
أرى السعاده وهم ما تم وعـده حلـم وانهـار
لو هي تعود الليالي للورا ما اتعبنـي السيـر
أطوي دروب التمني ما حصل لي غير الاعذار
ـــــــــــــــــــــــــــــــــــــ
السبت يونيو 07, 2008 12:46 pm
